EXCLUSIVE SERVICES

+ 436 222 393

წყალტუბო

წყალტუბო ყოფილ საბჭოთა ქვეყნებში ერთერთი ყველაზე პოპულარული კურორტია, რომელიც ხასითდება უნიკალური თერმული წყლებით, რომელიც დაახლოებიტ 70-მდე დაავადებას კურნავს. 

წყალტუბო მდებარეობს ქალაქ ქუთაისიდან 7 კილომეტრის ნამძილზე, თბილისიდან კი 250 კილომეტრის მანძილზე. წყალტუბო ზღვის დონიდან 100 მეტრის სიმაღლეზე მდებარეობს, რომელიც გამორჩეულია ზღვის ნოტიო, სუბტროპიკული ჰავით.აქ ზამთარი საკმაოდ თბილია, ზაფხული კი ცხელი.
წყალტუბო სამკურნალო თვისებებით შეუდარებელია. წყალი ბუნებრივად თბილია, ასახავს ადამიანის სხეულის ტემპერატურას და რა თქმა უნდა გამოყენება თბობის გარეშე. 
ბუნებრივი სამკურნალო საშუალებაა მღვიმეები, რომლის მიკროკლიმატი გამოიყენება ბრიონქიალური ასთმის, სტენოკარდიის, ჰიპერტონული დაავადებების, ნერვოზისა და პნევომონიის სამკურნალოდ. წელიწადის დროისა და ხელსაყრელი ამინდების პირობებში შესაძლებელია მზის აბაზანების მიღება. 
წყალტუბოს წყალი უპრეცენდენტოა არამხოლოდ მინერალურ წყლებს შორის არამედ თერმულ წყლებს შორისაც.

      

წყალტუბო საყურადღებოა ტურისტული თვალსაზრისითაც. იგი მდებარეობს კავკასიონის მთავარი ქედის განშტოებასთან - კოლხეთის დაბლობზე, სადაც მკურნალობასთან ერთად, დამსვენებელი კულტურულადაც დაისვენებს. კურორტს აქვს დიდი პარკი, სადაც სხვადასხვა ჯიშის სუბტროპიკული მცენარეები ხარობს. წყალტუბოში დაცულია მილიონობით წლის წინანდელი დინოზავრის ნაკვალევი, რომელიც აღმოჩენილია ფლორით, ფაუნითა და კარსტული მღვიმით უაღრესად საინტერესეო სათაფლიის ნაკრძალის ტერიტორიაზე. წყალტუბოდან ექვს კილომეტრზეა ახალ-აღმოჩენილი, ევროპაში ერთ-ერთი საუკეთესო, პრომეთეს მღვიმე, სადაც ტურისტები იხილავენ მიწისქვეშა საოცრებებს: გამჭირვალე ტბებს, ბუნებრივი სტალაქტიდებისა და სტალაგმიტების ტყეებს, ნაღვენთჩუქურთმებიან ზღაპრულ დარბაზებს.

წყალტუბოში ჩამოსულ სტუმრებს შესაძლებლობა ეძლევათ, მოინახულონ ქუთაისში არსებული იუნესკოს სიაში შესული მსოფლიოს კულტურული მემკვიდრეობის ძეგლები, როგორიცაა, გელათი, ბაგრატისა მოწამეთას სამონასტრო ნაგებობები.